ФОТО: Првомајски трки во Стојаково – и старо и младо со натпреварувачки дух во повеќе дисциплини !

3648

Традицијата во Стојаково општина Богданци продолжува. Се одржаа традиционалните првомајски трки каде сите имаа натпреварувачки дух и со забава и хумор го одбележаа празникот на трудот.  Станува збор за трки кои датираат од 1951 година кои ги организира  Советот на месната заедница од Стојаково а кои привлекуваат и голем број посетители од околните градови

 Учесниците се натпреваруваа во неколку дисциплини, трка со коњи, магариња, трка на сто метри за јуниори и сениори во машка и женска конкуренција, скокање во вреќи, трка на 1.500 метри, трка на 3.000 метри, трка со велосипеди, борба на рака, влечење со јаже, работничка трка со колички. Во секоја категорија на најдобрите тројца натпреварувачи беа обезбедени парични награди а имаше и  богата културно-уметничка програма

Традиционалните, годинава  по ред  73 ти Првомајски игри во Стојаково беа во  организација на Советот на месната заедница од Стојаково, под покровителство на Општина Богданци. Со фотографиите на Живанка Морис како и од ФБ, пренесуваме дел од атмосферата во Стојаково Општина Богданци..

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.