Формирањето техничка Влада нема да ја закочи исплатата на субвенциите, вели министерот за земјоделство Димковски

1007

Министерот за земјоделство, шумарство и водостопанство, Трајан Димковски на завчерашната прес-конференција на која истакна дека паралелно со првенствената цел на техничката Влада да се организираат слободни, фер и демократски избори, без никаков застој и пречки ќе продолжи спроведувањето на мерките за финансиска поддршка во земјоделството и руралниот развој, со навремена и неселективна исплата на субвенциите.

,,Формирањето  на техничката Влада нема да го закочи спроведувањето на мерките коишто се планирани со тековните годишни Програми. Тоа значи дека, согласно планот, и во следниот период Агенцијата за финансиска поддршка во земјоделството и руралниот развој, ќе продолжи со навремената и неселективна исплата на субвенциите од Програмата за финансиска поддршка на земјоделството и руралниот развој за 2019 година. Исплатите  на субвенциите продолжуваат според календарот за исплата,, рече министерот за земјоделство Трајан Димковски кој подвлече дека нема да има ниту  поништување на објавените јавни повици за давање на државно земјоделско земјиште под закуп.

Како што истакна министерот непречено и согласно динамиката ќе продолжи реализацијата на  инвестициите во водостопанската инфраструктура, како што се браната Конско во Гевглеија и системот за наводнување на јужната долина на реката Вардар втора фаза во Валандово.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.