Утре во Босилово ,,Базар Фест 2024“ – ќе се понудат рачни творби, храна но и музика и забава за гостите со бендови и аниматори

2111

Се е подготвено за првото издание на ,,Базар Фест“ во Босилово  кој треба да ги промовира локалните производителите на ракотворби, домашна храна за да се потикне локалниот економски развој. Целиот настан ќе биде пропратен со музика и забава за што на плоштадот во Босилово ќе има над десетина штандови каде ќе бидат изложени  производите и храната.

Целиот настан ќе биде утре (недела 30.06) во периодот од 18 часот кога на една страна ќе бидат изложени производите на граѓаните а на друга страна  бендовите „Акустик бенд“ кој ќе понуди одлична староградска музика но и атрактивните „Ана и девојките“  кои ќе бидат задолжени за рок поп музиката.

Паралелно за најмалите ќе има забава ,,Скокаме, пееме, се смееме“ со аниматори од детските цртани филмови

,, Целиот настан е да се потикне преприемништвото кај жителите од руралните средини со акцент на младите и жените. Има што да понудат како што се одредени уникатни рачно изработени производи,  уметнички креативни дела , плетеници.  Ќе има домашни преработки како ајвар, пинџур, мед. Тоа е можност да се виде потенцијалнот кој го имаат луѓето од руралните средини,, кажа Дејана Пеневски од Општина Босилово

Настанот ќе биде отворен за сите посетители каде може да се дружат, забавуваат но и да ги видат креативните производи на младите, жените и граѓаните од руралните средини. ( В. Трајков)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.