Уличното осветлување од „Жито Струмица“ до малото стопанство ќе се реконструира

83

Првиот човек на Струмица Петар Јанков се информираше за процесот на реконструкција на уличното осветлување на патот А4 на потегот од Жито Струмица до малото стопанство на излезот од градот, кој што ќе опфаќа замена и обнова на канделабрите но и целосна замена на подземната електрична инсталција. Тој заедно со директорот на Паркиралишта Александар Петровски и директорот на Комуналец Кирил Синдраковски ја прецизираа динамиката на работите а ја посетија и работилницита каде се вршеше обнова на електричните столбови.

„Во моментов се врши обновување и унапредување на постојното улично осветлување на оваа сообраќајница. Десната страна од овој потег, во должина од околу еден километар, со години не беше осветлена.Со цел да се обезбедат подобри услови за движење, поголема безбедност за сите учесници во сообраќајот и поквалитетна осветленост на просторот, сите канделабри се отстранети и пренесени во комуналното претпријатие, каде што ќе бидат бојадисани. Предвидена е и целосна замена на подземната електрична инсталација“, стои во информацијата од Општина Струмица .

Реконструкцијата е дел од активностите на Општина Струмица за подобрување на комуналната инфраструктура и создавање побезбедна и пофункционална урбана средина.Во следниот период ќе следуваат и останатите фази од реализацијата на проектот, со целосно осветлување на булеварот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.