Три лица се повредени во сообраќајката, кога комбе полно со мигранти удри во три возила на Младинска во Струмица (фото)

1750

Тројца мигранти се повредени, најмалку три патнички моторни возила се оштетени а уништен е и столб на улицата ,,Младинска” во Струмица, откако денеска околу пладне, комбе со кочански регистарски ознаки движејки се со силна брзина по улицата при што изгубило контрола и удрило во три возила од кои две паркирани. Очевидци кажаа дека комбето се движело со огромна брзина за да не биде забележано и откриено од надлежните. Удрило во рабник од коловозот и откако наидол на лежечкиот полицаец изгубил контрола и зафатил три возила. Тврдат дека во комбето имало околу 50 тина лциа кои по инцидентот избегале.

Полицијата потврди дека имало незгода но повеќе детали не соопштија за инцидентот.

,,Ве информираме дека на 07.07.2020 година во 11.50 часот во Струмица на крстосница од ул.„Младинска“ и ул.„Браќа Минкови“ се случила сообраќајна незгода во која учествувало комбе со кочански регистарски ознаки, полно со мигранти, управувано од возач од Кочани и паркирани патнички моторни возила. Во тек е увид и се работи на целосно расчистување и документирање на сообраќајната незгода.

Од болницата потврдија дека кај нив биле донесени три лица од кои едно со потешки повреди. Ова е втор инцидент откако пред месец дена на патот Струмица Радовиш возило со мигранти кај Василево предизвика сообраќајка во која едно лице од Градашорци почина.

Струмичани по денешната сообраќајка изразуваат загриженост од се почестите откриени мигранти по патиштата во струмичко но и инцидентите предизвикани  од возила кои криумчараат илегални бегалци.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.