Таневски: На зелениот терен ќе бидеме подобар противник од секого па и од Беласица

393

Дрнка.МК: Стартува новата првенствена сезона. Колку Академија Пандев е подготвена и што може да се очекува во првиот меч со Пелистер, бидејки според препораките за заштита од ковид-19, ќе се игра без публика.

Таневски: Одработивме добри подготовки и задоволен сум од залагањето и работата на фудбалерите и стручниот штаб во овој период. За неделниот меч влегуваме подготвенио иако за фудбалерите ке биде тешко после скоро 5 месеци ќе играат меч од натпреварувачки карактер. Пелистер е секогаш тежок противник на неговиот терен дали е тоа без или со публика а секако дека мечевите пред публика се доста поразлични и поголем мотив за фудбалерите

Дрнка.МК: 12 тима, три круга. Што може да очекуваме од Академијата ова сезона. Кои се амбициите?

Таневски: Од нас во новата сезона може да очекувате на секој натпревар да го даваме максимумот и да одиме да се надигруваме со сите противници дали на домашен и гостински терен. Иако тимот е подмладен,  со новите засилувања полека го добива посакуваниот изглед а наша цел е да играме допадлив фудбал и да освоиме што повеќе бодови. До крајот на преодниот рок планираме да се засилиме на уште една или две позиции.

Дрнка.МК: Според Вас кој тим ќе го има главниот збор ова сезона и каде се гледате на крајот од есенскиот дел од Шампионатот?

Таневски: Главниот збор секако ќе го носи екипата на Шкендија и можеби е најголем фаворит за титулата. Тука се тимот на Вардар, Работнички Шкупи, Македонија ЃП, Силекс но и останатите ќе имаат што да кажат во текот на првенството. Сите си имаат свои амбиции и цели. Секако ќе биде интересно првенство со 12 клубови и 3 круга. Спортски им посакувам се најдобро на сите клубови во Првата лига

Дрнка.МК: Струмица ова сезона ќе има два прволигаши. Ќе бидете ли подоброрангирани од Вашиот градски ривал Беласица?

Таневски: Струмица заслужува да има два прволигаши. Ова е град со голема фудбалска традиција. Струмичката публика заслужува да гледа добри натрпевари. На нашиот градски ривал им го честитам враќањето во Првата лига. Имаат респектабилен тим и дуелите секако ќе бидат интересни. Ние како клуб имаме свои цели и амбиции и не се споредуваме со никого а на зелениот терен ќе бидеме подобар противник од секого па и од Беласица на која и посакувам се најдобро.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.