Струмички Комуналец набави 250 метални контејнери за отпад, ќе бидат поставени на повеќе места

215

Струмички Комуналец почна со поставување нови метални контејнери за отпад откако изминативе денови склучи договор за набавка на метални контејнери од фирмата ,,Технички институт Македонија’’  ДОО Неготино. Станува збор за 250 контејнери со зафатнина од 1,1 метри кубни од кои 50 парчиња се со капак а 200 парчиња се без капак. Со Договорот се набавуваат и 2000 тркала – ротирачки со полна гума пречник Ф 200.  Целата набавка чини 7 милиони и 80 илјади денари или околу 115 илјади евра

,, Носителот на набавката е должен испораката на стоката да ја врши во рок од 7 дена од денот на добивање на требовањето за период од една година од потпишување на договорот со локација за истовар- магацин на ЈПКД Комуналец,, стои во договорот потпишан со Технички институт Македонија ДОО Неготино. Инаку ова фирма на јавната аукција по распишаниот тендер понуди најниска цена. На тендерот се пријавија вкупно 6 фирми од земјава.

Деновиве, струмички Комуналец постави 40 контејнери за отпад во градот и тоа пред новоизградените објекти. Од ова претпријатие апелираат до граѓаните за правилно и совесно да се користат и да не се оштетуваат истите

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.