Струмичанка и жител од Вељуса позитивни на Ковид-19, во последните 24 часа во земјава 163 новозаболени лица

2172

Во последните 24 часа се направени 1636 тестирања, а регистрирани се 163 нови случаи на ковид-19 во земјава соопшти министерството за здравство. По градови најмногу има во Скопје 52 нови лица во Куманово 21, Дебар 2, Штип 33, Тетово 4, Струга 7, Велес 2, Битола 5, Охрид 1, Кавадарци 4, Гостивар 17, Струмица 2, Кочани 2, Пробиштип 2, Демир Хисар 3, Македонски Брод 1, Свети Николе 3, Кичево 1, Ресен 1

Според информациите од Центарот за Јавно здравје станува збор за жена од 47 години од Струмица додека вториот случај е маж на возраст од 67 од населеното место Вељуса . Двата нови случи како што не информираше Петре Витанов не се поврзани со веќе познати кластери и според нив станува збор за спорадични кластери. Апелираат за почитување на мерките заштитна маска, држање физичка дистанца и честа дезинфекција на рацете

Според Минситерството за здравство во последните 24 чласа нема починати пациенти.а денеска Институтот за јавно здравје регистрира 69 оздравени пациенти

Досега во земјата се направени вкупно 88.179 тестирања на ковид -19. Вкупната бројка на ковид дијагностицирани во нашата земја од почетокот на епидемијата изнесува 9412, бројката на оздравени пациенти е 4940, на починати е 432, а во моментов бројот на активни случаи во земјата изнесува 4040.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.