Внукот на трагично загинатиот претседател Борис Трајковски, прв положи цвеќе пред споменикот ,,Македонија’’ во Струмица на одбележувањето на 15 годишнината од авионската несреќа кај Мостар, каде животот го загуби претседателот Трајковски со експидиција од осум членови. Струмичани со едноминутно молчење му оддадоа почит на својот сограѓанин, за кого кажаа дека бил обичен и постојано меѓу народот иако имаше функција прв човек на државата. За ликот и делото на Трајковски зборуваше претседателот на Советот , Марјан Даскаловски кој истакна дека еден од двата значајни сона на претседателот се исполнил
„НАТО и ЕУ беа негови два сона, за кои толку многу посакуваше да станат јаве. Еден од нив стана реалност дури 15 години од неговата смрт, бидејќи Република Северна Македонија стана дел од НАТО алијансата, а вториот е на прагот да се престори во јаве. За таа симбиоза меѓу сонот и јавето тој честопати патуваше во посета кај лидерите на влијателните земји и ја бараше нивната безрезервна поддршка за исполнување на интегративните заложби на нашава земја’’ кажа претседателот на Советот на Струмица – Марјан Даскаловски
Пред спомен обележјето ,,Македонија’’ подигнато во чест на Трајковски, свежо цвеќе положија голем број граѓани но и преставници од политички партии и институции. На споменикот стои познатата изрека на Трајковски ,, Сите заедно споделуваме една единствена судбина наречена Македонија’’
По повод 15 годишнината од смртта на Борис Трајковски во големиот градски парк Унијата на жени при ВМРО ДПМНЕ од Струмица засадија дрвце а на засадувањето им се приклучи и Даскаловски кој освен што е претседател на Советот тој е и прв човек на СДСМ во Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
