Течат работите за изградба на новите 14 училници во СОУ „Јосиф Јосифовски“ во Гевгелија за што општината доби кредит од Светска банка во висина од 34 милиони денари а ќе учествува и со 3,7 милиони денари сопствени буџетски средства. Според проектот средното училиште ќе се проширува со изградба западно крило на два ката каде ќе бидат новите 14 училници
Се очекува изградбата на западното крило да заврши до стартот на новата учебна година. Со реализацијата на овој проект ќе се обезбедат нови 14 училници во западното крило од училиштето, на два ката, кои ќе обезбедат едносменско работење и значително намалување на трошоците пред се за затоплување.
Инаку во СОУ,,Јосиф Јосифовски’’ се школуваат над 670 средношколци и тоа гимназиско образование, угостителско туристичка струка, економска и машинска струка
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
