Струмичанецот Васил Гогов блесна на мрежата на Вардар и ги ,,излуди” ракометарите на Веспрем во Унгарија

662

Струмичанецот Васил Гогов им нанесе главоболки на ракометарите на Веспрем во последните 15 минути од мечот во Унгарија откако доби шанса да биде чувар на мрежата на Вардар 1961.  Тој влезе како замена на Борко Ристовски и блесна со своите голмански интервенции завшувајки го мечот со 57% одбранети удари.

Имаше осум интервенции меѓу кои фати и седмерец на Мае. Одбрани контра, зицер од крило, пет одбрани од шест метри и тоа во преполнетата сала на Вепсрем каде Вардар ремизираше со унгарскиот состав со резултат 31:31.

Гогов е дете на струмичкиот ракометен клуб Астраион. Тој летото 2019 тата  потпиша тригодишен договор со европскиот првак  Вардар а своето деби од Лигата на шампиони го имаше во декември истата година токму против Веспрем

,,Ова ќе биде голема шанса за мене што ќе можам да напредувам уште повеќе и да постигнувам уште успеси. Мене идол од вардаровите голмани ми беше Штербик и се надевам дека еден ден ќе бидам на негово ниво,, изјави за Дрнка.МК при трансферот  Васил  Гогов кој тогаш упати огромна благодарност до РК Астраион

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.