Струмица ќе добие детска градинка во касарната со капацитет за 250 деца – несен готови градинките во Куклиш и Муртино

205

Со грант од Министерството за труд и социјална политика , есенва се очекува да започне постапката за изградба нова детска градинка во Струмица. Градинката со корисна површина од 1400 квадратни метри и капацитет за згрижување на околу 250 деца од предучилишна возраст ќе никне во струмичката касарна. Ова го соопштија општинските власти на прес конференција истакнувајки дека се решав проблемот со недостаток на простор за сместување на деца

,,Објектот на градинката, кој што е проектиран, е со габарит од 1.400 метри квадратни, кој што дозволува поголема слободна неизградена површина на градежната парцела. Висината на објектот нема да го наруши погледот во однос на другите објекти. Станува збор за објект со катност од приземје и еден кат, а пристапот е обезбеден, како и лифт за лицата со посебни потреби,, рече Софија Ристова раководител на Секторот за урбанизам

Никола Годев, раководител на Секторот за локален економски развој и заштита на животната средина подвлече дека наесен ќе бидат готови и детските градинки во Куклиш и Муртино а се чека и изведувач кој преку УНДП ќе го проширува капацитетот на Клон 4

„ Во овој контекст сакам да потсетам дека оваа година беше реализиран уште еден проект од областа на детската заштита, беа адаптирани простории во населените места Куклиш и Муртино со средства од ИПА фондовите во висина од 120.000 евра и наше учество од 1.300.000 денари“ – рече Годев, потенцирајќи дека со ова се потврдува грижата на општината како за градската средина, така и за населените места.

Со изградбата на новата Детска градинка ќе се надмине проблемот со прекубројност на децата во клоновите на градинката „Детска радост“, чиј капацитет е 550, а престојуваат околу 1000 деца од различни возрасти.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.