Со помош на УСАИД, во Радово-Општина Босилово отворен Едукативен центар за деца од предучилишна возраст (ФОТО)

473

Со поддршка на УСАИД, отворен е едукативен центар за деца од предучилишна возраст во населеното место Радово во Општина Босилово. Центарот веќе го посетуваат 20 тина дечиња и истиот ќе биде од голема корист како за родителите кои работат така и за дечињата кои во центарот со помош на стручни лица ќе учат, едуцираат но и ќе другаруваат преку игра и песни.

Едукативниот центар во Радово ,,Огражденски пеперутки“ е дел од Програмата за развој на заедницата што ја имплементира УСАИД каде партнери се Општина Босилово, Локалната акциска група Беласица-Огражден, Мрежата за рурален развој, компании од приватен сектор. Од таа причина денеска во Радово беше и амбасадорката на САД во земјава Анџела Агелер.

,,Овој Центар треба да служи како модел за други градови и села.Жените треба да учествуваат на пазарот на труд и да имаат свои кариери, но како мајка и родител можам да ви кажам дека е многу важно децата да ви бидат згрижени и безбедни, да учат и да се во интеракција со другите деца и да се социјализраат додека мајките се на работа,, рече амбасадорката Агелер

,,Како што можете да видите станува збор за еден прекрасен центар кој пред дваесетина денови почна со успешна работа и можете да видете дека децата имаат одлична можноист за едукација, социјализација и понатаму да се образуваат,, рече градоначалникот на Босилово Ристо Манчев.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.