Со поддршка на Општина Василево ОК Сушево се враќа во Прва лига кој најави победи и изненадувања

659

По пауза од неколку сезони ОК Сушево се враќа на прволигашката одбојкарска сцена а својот камбек во елитата ќе го има  во салата при ООУ Гоце Делчев во Василево со тимот на Весна Пробиштип во рамките на првото коло. Мечот е закажан во 18 часот на кој сушевчани најавуваат победа бидејки како што кажа Ванчо Наков ОК Сушево има потенцијал

Имаме искуство, млади таленти кои се жедни за докажувања. Немаме високи амбиции туку наша цел е да градиме клуб на долги патеки. Сакаме да докажеме дека во општина Василево се негува одбојката како спорт. Максимално сме подготвени за стартто на шампионатот а сето тоа немаше да се случи ако немавме поддршка од градоначалникот Славе Андонов,, кажа Наков кој подвлече дека под капата на ОФМ ќе пријават и пионерска екипа бидејки има голем број на деца што тренираат одбојка.

Градоначалникот на Василево подвлече дека вложувањето во спортот е важен дел во формирањео и градењето на младите личности како здрави граѓани во општината што е и определба на локалната власт иако е финансиска криза

„Сакам да нагласам дека задоволството од ваквиот чин, враќањето во Првата одбојкарска лига е заедничко, на сите нас граѓаните на општина Василево, кои сигурен сум многу брзо ќе се гордеат со резултатите на овие момци, кои ќе не направат горди и радосни. Затоа, секој инволвиран нека го даде максимумот, за да и радоста биде максимална. Нека е со среќа враќањето во Првата лига, да се радуваме на резултатите, да славиме за победите“ рече Андонов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.