Со двајцата новозаболени од Струмица, во Југоистокот сега има 61 активен случај со ковид-19

Во општините од Југоистокот  во моментов има вкупно 61 лице позитивни на коронавирус бројка а од почетокот на епидемијата со овој вирус се заразиле 184 лице. Бројката секојдневно се менува со оглед на појавата на нови случаи со ковид-19 во овој дел од државата но и заради лица кои се излекувале. Денеска од новите 109 заболени двајца се од Струмица но има и еден излекуван од подрачјето што го покрива струмичкиот Центар за јавно здравје.

Според завршените епидемиолошки анализи во моментов дистрибуцијата на вкупно заразени и активни случаи по градови од Југоистокот  што ги покриваат Центрите за јавно здравје од Струмица  кој ги покрива општините од струмичко и Валандово,  Гевгелија  кој ги покрива и општините Богданци и Дојран и Центар за јавно здравје од Штип каде се водат заболените од Радовиш е следна:

• Гевгелија 55, активни 30 (7 лица од ПЕ Гевгелија се жители на Дојран, 9 на Богданци)
• Струмица 75, активни 23
• Радовиш 45, активни 6
• Валандово 9, активни 2

Во земјава од почетокот на епидемијата се евидентирани 14.871 со ковид-19, од кои оздравеа 12.054, починаа 609, а активни се 2.208.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.