Беласица славеше над Слога Виница и се проби на второто место кое носи бараж за Прва лига

337

Струмичка Беласица славеше против Слога Виница со 1:0 и го превзеде второто место во Втората фудбалска лига Исток кое носи бараж за пласман во фудбалската елита во земјава. На стадионот Благој Истатов во Струмица, синобелите победата ја остварија со голот на Александар Коцев кој по асистенцијата од Филип Михаилов успеа да ја затресе мрежата на гостите и да донесе значајни три бода.

И двете екипи ги посакуваа бодовите од овој меч кој беше дерби во претпоследното коло од источната група. Момците на Александар Стојанов беа подобри во првото полувреме и ги натераа гостите од Виница да не упатат ниту еден посериозен шут по голот на Николоски. Коцев ја искористи првата шанса и од свртување успеа да го матира Јовановски откако претходно Милушев и Михаилов добро ја одработија акцијата по левата страна од теренот.

Второто полувреме гостите од Виница тргнаа поофанзивно. Постојано се играше во полето на Беласица но струмичани добро се поставија. Во 70 тата минута Дарио Јовановски заради два жолти картони го напушти мечот па синобелите мораа да се надминат себе и да ги покријат сите позиции во последните 20 минути, се бранеа но имаа и шанса преку Крстев.

Синобелите  втрото место треба да го потврдат следното коло во Гевгелија каде треба да слават за да играат бараж откако Победа со победата над Пехчево го осигури првото место. Противник на струмичани во евентуалниот бараж ќе биде или Тиквеш или Скопје кои се на 8 и 9 тата позиција во Првата лига

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.