Во конкуренција на екипи од 14 средни училишта од земјава, тимот на СОУ,,Богданци’’ од Богданци составен од ученичките Стефанија Ангова, Цветанка Атанасова и Габриела Костевска, под менторство на Весна Ристовска победија на годинашниот Трешн Фешн за најдобри креации од отпад , во организација на Здружението за едукација, комуникација и консалтинг ОХО
Нивната креација ,, Супер медицинска сестра – секогаш подготвена’’ изработена од разновиден отпад ги освои симпатиите на четиричленото жири во кое членуваше и сопругата на претседателот Пендаровски -Елизабета Ѓоргиевска.
Второто место им припадна на Марија Станојовска, Александра Мирческа и Антонио Ѓурчиноски, ученици од СОУ „Ѓорче Петров“ од Прилеп и нивната менторка Марта Макеска. Јована Иванова и Софија Пецева и нивната менторка Маргарета Спасов, од СОУ „Никола Карев“ од Струмица го освоија третото место.
Специјалната награда за најголема количина собран отпад ја добија учениците од СОУ „Коста Сусинов“ од Радовиш, односно Марија Прастова, Верица Георгиева и Косара Ѓорѓиева, под менторство на Катерина Сусунова.
Средношколците изминатиот период собираа материјали, односно стара хартија, пластика, делови од стари компјутери, природни материјали и други предмети коишто можат да се реупотребат. Потоа, од истите изработуваа облека и модни додатоци. Целта на проектот „Трешн Фешн“, којшто повеќе од 10 години го организира здружението за едукација, комуникација и консалтинг ОХО, е да се намали отпадот преку негова реупотреба и да се подигне свеста кај учениците, но и кај пошироката јавност за важноста од здрава животна средина.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
