Сопственици на текстилни фабрики од Југоистокот бараат државна помош за да не ги затворат капацитетите

1970

Текстилните фабрики од Југоистокот ќе бараат помош од државата за полесно да ја пребродат енергетската криза и евентуалното зголемување на минималецот на 18 илјади денари. Вака констатираа преставниците на 20 тината текстилни капацитети од Југоистокот на неформалната средба во Дојран каде истакнаa дека ковид кризата ја преживуваат на кредити и нема да можат да опстанат со евентуално нови трошоци при намалена побарувачка на нивните производи или услуги.

,, Итно Владата треба да интеревенира во делот на субвенции за електрична енергија. Ако ја земам мојата фабрика или било која друга која досега плаќала 3-4 илјади евра сега ќе мора да плаќа по десетина илјади евра само за струја. Паралелно се најавува зголемување на минималецот на 18 илјади денари. Тоа ќе повлече во една компанија со 100 тина вработени дополнителни 20 илјади евра трошок. Затоа ни треба помош дали тоа ќе биде делумно или целосно покривање на придонесите тоа треба Владата да одлучи. Лично сакаме минималнат аплата да биде и поголема од 18 илјади денари,, кажа Пандев

Инаку во текстилните капацитети чии преставници беа на состанокот во Дојран вработени се околу 3000 работници.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.