Македонскиот тим ја имаше втората проба на сцената во Тел Авив – Израел, каде годинава ќе се одржи големото музичко шоу 64 -тото издание на Изборот на Песна на Евровизија. Според информациите втората проба поминала одлично. Има одредени работи кои требало да се акцентираа, пред се со светлата за целокупниот настап на Тамара и PROUD за во четврток на 16 мај
Како придружни вокали на Тамара Тодеваска во изведбата на македонската евровизиска песна PROUD се и струмичките интерпретатори Александра Јанева и Васил Гарванлиев. Јанева вели дека во Тел Авив новинарските екипи најмногу се интересирале за приказната на песната и што ја прави толку горда Тамара
,,Има многу новинари кои се фанови на нашата песна и секогаш нè пречекуваат со широка насмевка во маички ‘Proud’. Ги интересира каква вистина лежи во приказната на песната и што ја прави Тамара најмногу горда. Колку е едноставно или тешко да се пренесат емоциите на камера и пред огромната публика. Но, има и такви кои ги интересира како ќе прославиме ако се случи да победиме’’ , ни изјава Јанева
Таа вели дека сценографија и режирањето на кадрите за настапот на Тамара сеуште не е финализирано но нема да откриваат како сето тоа ќе излезе на ТВ преносот од Израел што ќе го следат стотици милиони гледачи ширум светот
,,Поддршката расте сè повеќе, после секое претставување. Сите зборуваат за тоа колку грандиозно звучи оваа песна на сцена. Стискаме палци и let’s steal the show,, ни истакна Јанева која заедно со Гарванлиев и третиот придружен вокал Антониа Гиговска постојано се со Тамара
Еве како изгледаше втората проба на Тамара
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
