Државата да ги мотивира лицата и семејствата да згрижуваат деца без родители или деца со посебни потреби. Вака смета Оливера Миленковска од Скопје која работи како згрижувач во СОС Детско село. Таму оди веќе пет години и во моментов се грижи за три мали дечиња но како што вели нема мотивација од државата. Тоа го работи од љубов бидејки нејзините деца се возрасни и самостојни.
,,Постојано зборуваме дека е важен овој процес на згрижување деца без родители но треба да имаме мотив да чуваме деца. Финансиската поддршка е многу важна. Треба да се стимулираат згрижувачите да имаат некој минимален финасиски надоместо но и да имаат право на пензија, породилно боледување“, кажа Оливера Миленковска која подвлече дека ќе згрижи и деца во својот дом.
Во земјава постои потреба од згрижување на најмалку 500 деца а преку овој процес опфатени се само 360. Потребата се зголеми по затворањето на институциите. Како што кажа Јулијана Гапо од СОС Детско село Центар за поддршка на згрижувачки семејства, државата ќе мора да направи стратегија како да се згрижат децата без родители или деца со посебни потреби .
,,Како држава не направиваме добар план и стратегија за згрижување на децата без родители по затворањето на инсититуциите. Нема доволно мотивирачки околности за згрижувачите кои не добиваат никаков надомест. Лобираме пред државата бидејки тие превземаат голема одговорност а немаат никакви права. Онаа што го добиваат во моментов згрижувачките семејства е надоместок за детето за негово школување и негови потреби како облека, обувки “ кажа Јулијана Гапо директор на СОС Детско село – Центар за поддршка на згрижувачки семејства.
Таму работат десетина згрижувачи но не примаат никаков надомест. Иста судбина како што кажаа ја делат и околу 80 други згрижувачки семејства во скопскиот и вардарскиот регион. Пред две години се отоврија три Центри за поддршка на згрижувачките семејства два во Скопје и еден во Битола.
Во Струмица е отворена канцеларија која ќе го анимира згрижувањето но и ќе дава помош на згрижувачките семејства
,, Во Струмичкиот регион евидентирани се 25 згрижувачки семејства од кои 14 згрижиле деца по роднинска линија. Во градот има 12 згрижувачки семејства. Ова е релативно добра бројка за ваква мала заедица но ќе мора да се работи оти во државата расте потребата од згрижувачки семејства. За илустрација лани имало потреба од 105 барања а сме одговориле на 40 деца“ кажа Гапо
Кацеларијата е отворена во зграда од струмичката касарна. Таму семејствата може да добиваат поддршка и помош во процесот на згрижување или процесот на адаптација на децата во новите средини. СОС Детско Село своја канцеларија во јануари ќе отвори во Кавадарци.
Месечниот надоместок за згрижување на дете изнесува околу 20 000 денари, додека за згрижување на лице со попреченост околу 25 илјади денари .
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
