Свештеникот Боро Милчев од Струмица не е разрешен поради едицијата од 12 книги за македонските светители тој е разрешен поради неговото нецрковно и неканонско однесување кажа викарниот епископ стобиски Јаков на деншната прес конференција Епископот Јаков откри дека при ревизијата на неговото работење во црквата „Св. Димитрије Палама“ со која раководел цели 20 години биле откриени низа неправилноста. Во касата нашле 106 денари и пиштол за кој имал дозвола.
,, Како струмичка епархија имаме покрената морална, матeријална и канонска одговорност против овој човек. Нема да дозволиме сакајќи да се извлече од одговорноста да бега, јавајќи на коњот на квазипатриотизмот. Зошто не зборуваше за било какви притисоци од наша страна кога имавме ревизија на храмот ‘Св. Димитриј’ кога бевме вербално и физички нападнати, па мораше да интервенира и полицијата. За состојбата што затекнавме таму имаме и официјален записник. Во касата во една од најпосетуваните цркви во Струмица најдовме само 106 денари и пиштол . Прашувам што ќе му е пиштол на свештено лице и да го држи во црковен храм,, рече епископот Јаков кој кажа дека не биле точни ниту изјавите дека свештеникот имал притисок во житијата што тој ги подготвувал македонските светители да ги пишува како словенски
„Ние не му вршевме притисок за издадените житија. Тие се издадени од јануари до октомври лани токму од струмичката епархија со благослов на митрополитот струмички г. Наум, освен за последните две за кои авторските права се на Боро Милчев. Од продадените житија нема пријавено ниту денар приход а за нивна издавање собираше донации од струмички фирми“, рече Јаков.
Свештеникот Милчев не беше достапен да одговори на обвинувањата од врвот на струмичката епархија, дека при ревизија на неговото работење во касата на црквата во која со години служел чувал пиштол.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
