РСБСП донираше опрема во СОУ ,,Никола Карев” Струмица за едукација на учениците од сообраќајната струка (фото)

127

Републичкиот совет за безбедност на сообраќајот на патиштата ја започна кампањата „За безбедно дете“ чиј императив е безбедно, внимателно и одговорно учество на децата и младите во сообраќајот. Во склоп на оваа кампања РСБСП обезбеди и ќе подари едукативен хардвер и софтвер за доопремување на сообраќајниот кабинет во СОУ „Никола Карев“ – Струмица.

,,Првенствена цел на оваа донација е поддржување и промовирање  на проектот за унапредување на образованието и развој на информатичкото општество, но пред сè подигнување на безбедноста во сообраќајот преку изучување на правилата и прописите во сообраќајот во средните училишта во  Македонија.За остварување на оваа цел РСБСП на СОУ „Никола Карев“ од Струмица му додели донација во технички средства и тоа софтвер и хардвер за едукација на ученици во сообраќајно-техничките училишта,, соопштија од РСБСП

Софтверската апликација содржи компоненти за изучување на собраќајни знаци, категории на патишта, звучни и светлосни сигнали за предупредување, регулирање на сообраќај на крстосница и сообраќај на крстосница со кружен тек на сообраќај, правила за првенство на минување, правила за престигнување и обиколување, правила за користење на велосипеди, мопеди, мотоцикли, трицикли, четирицикли и тротинети, правила за движење на пешаците и друго

Хардверската пак компонентата од донацијата  се состои од ТВ приемник, лап топ, ласерски покажувач и USB со софтвер.

РСБСП ќе продолжи со соработка и поддршка на училиштата низ државата со цел подобрување на квалитетот на наставата и зголемување на сообраќајната култура на младата популација како најранлива категорија на учесници во сообраќајот.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.