Родителите чии деца конкурираа за медицинска сестра во школото Димитар Влахов Струмица нема да ги пуштат на тестирање, бараат да бидат примени сите

5333

Родители на завршни основци во Струмица кои се пријавија за образовниот профил медицинска сестра во здравствената струка во СОУ ,, Димитар Влахов” нема да ги пуштат своите деца на квалификационото тестирање закажано во понеделник во 10 часот. Тие бараат да бидат примени сите 39 ученика со целосен одличен успех од основното образвание и освоени 75 бода за овој образовен профил бидејки според конкурсот треба да бидат примени 34 ученика.

Родителите денеска потпишаа петиција која ќе биде доставена до министерството за образование со која бараат во услови на вонредна состојба и во време кога е откажана државната матура да нема квалификационо тестирање и да бидат примени сите 39 ученика кои имаат ист број бодови, бидејки на пазарот се чуствува потреба од медицински персонал.Тврдат дека и лани имало отстапки за овој образовен профил кога биле запишани повеќе од дозволената квота

Нивниот револт е уште поголем откако синоќа дознале дека во скопската гимназија Орце Николов биле примени плус 18 ученика кои за одредени образовни профили имале идентичен број бодови. Како што кажаа родителите тамошното школо донело одлука да се примат сите пријавени и да не се спроведува квалификационо тестирање.

Од училиштето кажаа дека во понеделник ќе има кфалификационо тестирање во 10 часот за кандидатите кои имаат идентичен број бодови а сакаат да се запишта во прва година образовен профил медицинска сестра од здраствената струка. Велат дека немат нови насоки од министерството за образование во однос на ова прашање.

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.