Радовиш се спрема за гасификација – се изготвува проект за изградба дистрибутивна мрежа од 7 км

179

Општина Радовиш деновиве потпиша договор со скопската фирма ,,Филбис’’ за изработка на идеен и основен проект за изградба на гасоводна дистрибутивна секундарна мрежа во должина од седум километри.  Компанијата „Филбис” има рок од шест месеци да ги подготви идејниот и основниот проект, со вклучена ревизија за што од Буџетот на општината се обезбедени околу 28 илјади евра

Целта на општинските власти е Радовиш да биде подготвен за приклучување на националниот гасовод. Владините планови се ова општина да се поврзе со магистралниот крак од Штип во 2021. Во меѓувреме општинските власти работат и на обезбедување на средства од домашни и странски фондови за изградба на мрежата како би можеле радовишките физички и правни лица да се приклучат на гас

Во првата фаза Радовиш не е планиран да биде вклучен во изградбата на магистралните краци. Владата планира годинава и идната да се интензивира изградбата на гасоводни и тоа  Скопје-Тетово-Гостивар, Штип-Неготино и Неготино-Кавадарци-Прилеп-Битола.

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.