Професорката Македонка Божиновска од Струмица лауреат за Антево слово 2024 година

1580

Меѓународната поетска манифестација „Анџело Ла Векија“, во соработка со Здружението за развој на култура и заштита на културно наследство „Контекст – Струмица“ годинава по седми пат ја доделува наградата за најдобра необјавена поетска творба „Антево слово“. Наградата ја доби Македонка Божиновска од Струмица професор по англиски јазик при средното училиште ,,Никола Карев“ за нејзината песна “КРИЕНКА“.

,,Во својата кратка, но ефектна песна „Криенка“ Македонка Божиновска ни ја открива целата филозофија на човекувањето. Симплифицирана во изразот, со само неколку слики од детството ни открива панорама на сеќавања, колективна носталгија, но и суштински светоглед кој ја одразува длабочината на авторското восприемање на реалноста. Стихови кои говорат за минливоста, за непостојноста, невидливоста и кревкоста на единката, преиспитувањето на индивидуална позиционираност во системот на животни вредности.“, стои во образложението за наградената песна и автор

Одлуката ја донесе жири комисијата Митко Гогов (претседател), Виолета Танчева-Златева, Драгана Евтимова, Жорж Поповски (членови) и Геро Ла Векија (надворешен соработник) откако на објавениот конкурс пристигнаа стотина песни.

Наградени

  1. Македонка Божиновска – „КРИЕНКА“
  2. Милена Сиљаноска – „АКО ИМАМ УШТЕ ЕДЕН ЧАС СО ТЕБЕ“
    Александра Спасеска – „ИМАЛО ДЕНОВИ“
  3. Рекија Фебио (Италија) – „ЌЕ ЧЕКОРИШ“
    Антева Темјана (псевдоним) – „ОРЕВОТ“

Млад автор:
Васја Мицковски – „ЗА ПЛАШЛИВИТЕ“

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.