Приведен струмичанец – бил затекнат со 11 мигранти меѓу Свидовица и Куклиш

1484

Денеска, во 00.50 часот, на потегот помеѓу село Свидовица и село Куклиш, полициски службеници од РЦ за ГР Исток го лишиле од слобода 63-годишниот А. Д. од Струмица. Тој бил затекнат со група од 11 лица мигранти (5 од Индија и 6 од Непал), кои ќе бидат пренесени во Прифатно-транзитниот центар во Гевгелија, извести МВР.

За случајот бил известен јавен обвинител, а приведениот, поради постоење основи на сомнение за сторено кривично дело по чл. 418-б, бил задржан во полициска станица за понатамошна постапка, велат од МВР.

По документирање на случајот, против А. Д. ќе биде поднесена соодветна пријава.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.