Иван Кукиќ – синот на Ленче и Горан ја имаше честа да свири со Влатко Стефановски како увертира на концертот на големата музичка ѕвезда Стинг што се одржа на националната арена Тоше Проески во Скопје. Младиот Иван тврди дека тоа му преставувало чест и привилегија бидејки ретко кој има таква можност да свири пред десетици илјади посетители но и пред голема рок ѕвезда. Настапот на Иван со маестро Влатко траел околу еден час отсвирувајки ги познатите хитови – Си заљубив едно моме, Сеир, Бистра вода, Калајџиско, Као какао, Исток Запад Телепатски…
,,Чувството беше прекрасно да се настапува со маестро Влатко Стефановски на големиот концерт пред Стинг. Среќен сум што баш јас ја имав таа чест да настапам со Влатко Стефановски на отварањето на концертот на Стинг на стадионот во Скопје. За мене тоа е едно големо искуство, предизвик и мотивација да работам што повеќе и се надевам се повеќе да настапувам на настани од истиот карактер’’, изјави за Дрнка.МК младиот Иван кој се почесто е дел од настапите на Стефановски
Иван вели дека имал позитивна трема бидејки тоа било голем концерт и чуствувал голема одговорност. Жали што лично не го запознал Стинг но знае дека го слушал неговото музицирање, што му преставува посебно задоволство.
,,За жал не се запознав лично со Стинг бидејќи во моментот кога Стинг се сретна со Влатко јас бев на сцената и имав тонска проба. Но знам дека Стинг беше таму за време на нашиот настап и сум пресреќен што го слушаше нашиот настап,, вели Иван чие срце затреперило кога публиката постојано аплаудирала на нивниот настап
,,Се разбира дека добив многу позитивни коментари од моите пријатели и од луѓе што не ги познавам и се чувстувам исполнето кога на сите им се допаѓа тоа што ние го правиме. Секако мојата најголема подршка е мојата фамилија. Тука е и маестро Влатко Стефановски кој на секој досегашен настап со неговото огромно искуство и квалитет на најпрофесионален начин не охрабрува и ни шири една прекрасна енергија и позитива да се чувствуваме сигурни во тоа што го правиме,, вели Иван
Иван студира на музичката академија во Белград и како што вели се обидува да најде баланс меѓу факултетот и настапите со Влатко.
,,Се разбира дека е напорно, но се што се работи за убаво и со љубов не е тешко и верувам дека најпрофесионално ќе одговорам и на двете страни’’, ни одговори младиот Иван кој тврди дека секогаш ќе го памети настапот пред големата британска рок ѕвезда Стинг
фото – Авалон продукција
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
