Премиерите Заев и Борисов утре кај Дојран ќе го откријат споменикот подигнат во чест на полковникот Каварналиев

1179

Македонскиот и бугарскиот премиер Зоран Заев и Бојко Борисов заеднички ќе го откријат споменикот кој деновиве беше подигнат во чест бугарскиот полковник Константин Каварналиев во непосредна близина на Дојран. Споменикот е висок неколку метри со три платформи со столб кој завршува со крст и е поставен на рид во непосредна близина на патот Валандово – Дојран пренесуваат бугарските медиуми.

Станува збор за локација каде што бил закопан бугарскиот полковник откако на 23 јуни 1913 тата загинува за време на Втората балаканска војна. На истата локација во 1916 година Царска Бугарија подигнала споменик, кој во 1966 година од тогашните југословенски власти беше урнат. На таа локација се погребани и пет бугарски војници во чија чест сега има подигнати спомен крстови со нивните имиња

Бојко Борисов утре први август ќе биде во официјална посета на земјава и заедно со премиерот Зоран Заев ќе ја одбележат двегодишнината од договорот за добрососедство, пријателство и соработка. Двајцата премиери ќе учествуваат на церемонијата на полагање цвеќе на гробот на Гоце Делчев во црквата „Св. Спас“ во Скопје и ќе се упатат кон Дојран за да го откријат споменикот во чест на Каварналиев.

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.