Вклучена греалка во напуштен стан на ЈПССДП го предизвикал пожарот во станбената зграда на улицата Ристо Чавдаров во Гевгелија во кој целосно изгореа шест стана од поткровјето констатира Дирекцијата за спасување и заштита. Подстанарот станот го напуштил откако му била исклучена струјата од ЕВН пренесуваат медиумите и се уште не е вратен дома
На семејствата чии станови беа целосно изгорени или оштетени, од страна на општината им беше обезбедено времено сместување. По синоќешната средба на градоначалникот Сшо Поцков со некои од станарите на опожарените станови беше договорено општина Гевгелија да им исплати по еднократна парична парична помош на оштетените станари во висина на едномесечна просечна плата. Еднократна парична помош им е исплатена и на семејствата во становите од петтиот кат, кои се делумно или повеќе оштетени.
Покрај обезбедувањето на покрив над главата за семејствата кои тоа го немааат и еднократната парична помош од страна на општината, беше договорена акција за расчистување на опожарените станови. Со механизација од градежните фирми и на ЈПКД„Комуналец“ ќе бидат расчистени остатоците од изгорените станови на шестиот кат, како и дворот на станбената зграда. Во акцијата, која ќе биде изведена во текот на утрешниот ден, ќе бидат вклучени комуналните работници и друга работна рака.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
