МНР – Правиме сѐ да се реши проблемот со Шуклев, Николов и Реното, во контакт сме со кинеската амбасада во земјава

1812

За случајот со Шуклев и Николов кои повеќе од седум часа се заглавено на монголско – кинеската граница со реставрираното Рено 4 се ангажираше и македонското МНР. Од таму информираа дека се работат се што е во нинва надлежност да се надмине проблемот и овој возачки тандем да го продолжи патот кон Пекинг што беше и основна цел на двојката од Стојаково

„Запознати сме со проблемот што го има возачкиот тандем Шуклев-Николов од Стојаково на нивното патување со ‘рено 4‘. Во директен контакт сме со нив и со надлежните власти преку нашата амбасада во Пекинг, како и со кинеската амбасада во Скопје. Правиме сѐ што е во наша надлежност во правец на брзо решавање на проблемот“, соопшти Министерството за надворешни работи

Како што е веќе познато, кинеските власти бараат од Шуклев и Николов да ангажираат кинески возач или туристичка агенција за да го продолжат патувањето до Пекинг. Им било предочено дека патувањето може да го продолжат како туристи но Реното 4 да го остават на монголска територија.

Инаку Шуклев и Николов одСтојаково тргнаа на 29 јуни и досега поминаа над 10 илјади километри а им преостануваа уште околу 500 да стасат до кинескиот ѕид.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.