Познати четирите екипи кои ќе играат за наградниот фонд на турнирот во мал фудбал Струмица 2022

601

Екипите на Црна Река од Кавадарци, Фреигт Оне од Радовиш, Руски Комерц од Дабиле и Тотис Бербер Шоп од Струмица се четирите екипи кои ќе играат во полуфиналето од турнирот во мал фудбал Струмица 2022 чиј награден фонд е 200 илјади денари кои ќе бидат доделени на финалистите и победникот во малото финале.

Црна Река со 4:2 беше подобар од Фико пласт во четвртфиналето а со идентичен резултат радовишкиот Фреигт Оне беше подобар од Нико експрес Струмица.  Црна Река и Фреигт Оне ќе го играат првото полуфинале кое е закажано вечерва (19.07) со почеток во 21:30 часот

Во второто полуфинале кое е закажано во 22 :30 ќе играат Руски Комерц од Дабиле кој со 6:2 беше подобар од Конел Фарм во четвртфиналето а за противник го има Тотис Бербер Шоп од Струмица кој во четвртфиналето со 2:1 славеше против велешки Трошпед

Пред одигрувањето на двата полуфинални меча во 20:45 ќе се игра младинското финале каде ќе се сретнат екипите на Бензоил и Академија Пандев

Турнирот во мал фудбал Струмица 2022 е под покровителство на градоначалникот на Струмица Костадин Костадинов а ќе бидат доделени и награди за најдобар играч, голман и стрелец

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.