Пионерите на Струмица Никоб Шампиони, во Пробиштип го издржаа притисокот и го кренаа пехарот (фото/видео)

851

Пионерскиот состав на Струмица Никоб станаа Државни прваци откако на завршниот турнир во Пробиштип го совладаа домашниот тим Весна Пробиштип со 3:2 во сетови. Струмичките деца го издржаа притисокот од преполнетата сала во Пробиштип кои навиваа за домакините и го кренаа Шампионскиот пехар во својата конкуренција докажувајки дека струмичката одбојка има иднина со оглед дека станува збор за деца одбојкари на возраст од 11 до 16 години.

Првиот сет Струмица Никоб го доби со 26:24, по што возврати Весна Пробиштип 25:21.  Одбојкарските надежи на Струмица беа доминантни во третиот сет кој го добија со 25:10 но Весна Пробиштип бодрени од присутните се вратија во четвртиот сет (25:22) за ново израмнување. Во петиот одлучувачки сет пионерите на Струмица беа далеку подобри и со 15:10 ставија печат за титулата Државни прваци

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.