Речиси два часа траеше концертот на Перо Христов на кој уште еднаш ги потсети струмичани на безвременсктие хитови а заедно со неговите гости направи одлична атмосфера во која на глас се пееа ,,Во црно вино утеха немам“, „Немам живот Ангелино“, „Заборави ме“, „Судбина било“, ……
Легендата на македонската песна и еден од најдобрите фолк пејачи во Македонија, Перо Христов во салата при Центарот за култура Антон Панов во Струмица успеа да направи симбиоза со публиката и направи спој на квалитетната македонска песна со неговите вокални способности а паралелно и музички времеплов на она што значи богато творештво со над 200 отпеани песни.
Перо Христов е учесник е на многубројни музички фестивали на македонска забавна и народна музика. Добитник е на наградата Златен глас на Македонија во 1970 година за младинци пејачи, второпласиран на младинскиот музички фестивал на СФРЈ во Врање 1971 година.
На концертот настапиј и Мишко Крстевски, Стојне Николова, Игор Ангелов, Славица Ангелова, Кате Брезева од групата „Соната“, а сите нив ќе ги придружуваат момците од „Класико Бенд“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
