ОФМ го одложи полуфиналниот меч Џио Струмица – Шутова, бара струмичани да предложат нова сала а не Партизан

706

Првиот полуфинален меч од Купот помеѓу екипите на Џио Струмица и Шутова од Кичево што требаше да се одигра утре (3.04), ОФМ го одложи за 10 април. Вакво известување од федерацијата стаса до двата клуба. Проблем  е салата ,,Партизан” каде актуелниот Шампион – Џио Струмица вообичаено ги игра натпреварите како оваа така и претходните сезони, со исклучок на финалните натпревари кога има преноси на националната телевизија.

,, Полуфиналниот натпревар од КУП на ОФМ К-112 помеѓу екипите на ОК Џио Струмица и ОК Шутова се одложува и терминот за одигрување се презакажува на 10.04.2019 (среда). Клубот домаќин на првиот полуфинален натпревар се обврзува да ги почитува Правилникот за натпреварување, Пропозициите за натпреварување (член 11), Правилник за регистрација и класификација на салите (член 11) и Упатство за организација на натпреварите од ДЛ на ОФМ како и известувањето кое беше пратено од ОФМ на 20.02.2019 и да постапи по истото, согласно заклучоците што беа донесени на состанокот пред стартот на ова натпреварувачка сезона во присуство на клубовите.,, стои во известувањето од ОФМ при што од струмичани  бара до четврток да се изјаснат во која сала ќе го играт мечот од полуфиналето од КУПОТ со Шутова

,,За терминот за одигрување на натпреварот и салата во која ќе се одигра истиот, клубот да испрати известување најдоцна до 4.04.2019 до Комесарот на ОФМ,, стои во известувањето од ОФМ што стаса на адресата на ОК Џио Струмица

Како што дознава Дрнка.МК вечерва раководството на ОК Џио Струмица ќе има состанок на кој ќе одлучи што и како понатаму со оглед дека за нив нелогично е толку време да се игра во салата Партизан а сега да се реагира и да се бара промена на истата.

ОК Џио Струмица преку својата Фан страна ФБ минатата недела остро реагираше на барањето на ОФМ за промена на салата Партизан при што напишаа  – ОФМ извини, немаме пари за скапи ручеци, но од сала Партизан  не излегуваме, по што официјалната ФБ ФАН страна на клубот е избришана.

 

 

 

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.