Откријте ги мистериите на Беласица – викендов ВК ,,Актив” организира дводневна планинска тура со многу возбудувања !

817

Викендов ВК ,,Актив’’ од Струмица ја организира традиционалната планинска вело тура ,,Мистериите на Беласица’’ која е посветена за сите љубители на природата, планинарството, планинскиот велосипедизам. Станува збор за организиран дводневна планинска тура на искачување на врвовите Тумба 1.880 метри надморска височина или како втора опција Ѕвезден врв висок 1.877 метри со велосипед или пешачење.

Во сабота збирно место е горниот дел на населеното место Смолари пред ресторанот Алантис при што се пешачи или вози 10 тина километри до Планинарскиот дом ,,Шарена чешма,, кој се наоѓа на висина од 1 276 метри.  Таму ќе има вечера и организирана забава.. Следниот ден во недела учесниците на ова тура  тргнвуаат од планинарскиот дом Шарена Чешма и се тргнува кон врвовите Тумба или Ѕвезден врв дали со велосипед или пак со обично пешачење. Патеката е долга од 6 до 8 километри.

,, Ова е можност за нови познанства, уживање во природата, спортување и рекреација но и да се информираме што се има како потенцијал Беласица бидејки има огромни убавини што крие.. Сите се добредојдени, патекат ане е толку тешка за искачување или возење со велосипед, само потребна е желба да се откријат мистериите на нашата Беласица,, соопштија од ВК Актив

За време на турата  во соработка со Алпинистичкиот клуб Скала ќе биде демонстриран и краток курс за безбедно качување и спуштање од карпа.

“Ги покануваме сите кои ќе бидат присутни на настанот “Мистериите на Беласица” велосипедисти,планинари, љубители на природата, сите оние кои сакале, а претходно немале можност, да дојдат и да пробаат качување на карпа заедно со нас. Дојдете заедно под врвовите да ги одгатнеме преостанатите „мистерии“ на нашата најубава и мистична Беласица!!”, велат од ВК Актив.

(Од последната тура ,,Мистериите на Беласица – фото: ВК Актив)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.