Отворена ,,Родителска куќа” во Скопје за бесплатен престој на родители од внатрешноста чии деца се лекуваат на Детската клиника

4274

Со цел да им се помогне на родителите што не се од Скопје а нивните деца се лекуваат на Клиниката за детски болести, отворена е ,,Родителска куќа” каде ќе можат родителите бесплатно да се сместат и да бидат најголема поддршка на децата кои се на подолг престој во болница и се борат со канцер на хемато-онколошкото одделение.

Изградбата на „Родителската куќа“ е заеднички проект на Министерството за здравство и Здружението на граѓани „САНО“ од Скопје со цел родителите на децата што се лекуваат на Клиниката за детски болести а не се од Скопје, да не спијат кај роднини или пак во автомобилите туку да престојуваат во ова куќа каде ќе имаат и психолошка поддршка која е најважна во тие моменти

Во родителската куќа изградени се четири апартмани во кои ќе има комплетно уредени бањи. Родителите кои ќе престојуваат во куќата ќе може да ги користат заедничките простории како кујна, трпезарија и дневна соба. За децата кои ќе престојуваат во оваа родителска куќа имаат посебно опремена соба за едукација и разонода, како и библиотека.

Престојот во куќата и појадокот ќе е бесплатен, а во куќата може да престојуваат само оние родители кои ќе добијат препорака од одделенските лекари или директорот на Детската клиника, каде се лекуваат децата.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.