Деновиве почнаа изведбените работи за изградба на водовод во населеното место Сушица – општина Ново Село. Градежната механизација на Џови Компани веќе се на терен на предвидената траса каде ќе биде водоводната мрежа. Ќе се гради потисен цевковод со примарна и секундарна водоводна мрежа со која ќе бидат опфаатени сите домакинства од ова населено место кое е едно од најголемите во општината.
Изведбата на водоводниот систем во Сушица се реализира со средства што општина Ново Село ги има обезбедено од Агенцијата за финансиска поддршка во земјоделството и руралниот развој но и со средства од сопствениот Буџет. Целата инвестиција чини околу 360 илјади евра и според склучениот договор изградбата на целиот систем треба да заврши во рок од една година или најдоца до почетокот на идната година.
Според проекциите и склучениот договор на општина Ново Село и изведувачот Џови Компани од Мокрино, потисниот цевковод треба да биде околу 2882 метри, додека дистрибутивната мрежа 11 875 а паралелно е предвидено да се изврши и реконструкција на каптажа и довод од каптажа до резервоар од 1389 метри
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
