Општина Конче ја доби првата детска градинка а во Дедино, Ракитец и Липовиќ ќе се отворат Центри за ран детски развој

429

Идниот месец ќе почне да функционира првата детска градинка во општина Конче која ќе го носи името ,,12 Јули’’. Деновиве ова установа ќе распише повик за запишување на деца од предучилишна возраст од една до шест години. За изгадба на градинката во Конче потрошени се околу 80 илјади евра а своја донација имаше и Бучим. Ќе бидат сместени околу 50 тина деца од предучилишна возраст. Градоначалникот на Конче Благој Илиев најави отворање и на Центри за ран детски развој во повеќе населени места.

,,Ова го очекуваа граѓаните на Општина Конче  можеби триесетина години наназад. Установата има капацитет од 50 деца и нека повелат родителите да ги видат условите каде ќе бидат згрижени нивните деца. Во соработка со Министерството за труд и социјална политика во иднина ќе отвориме Центри за ран детски развој во Дедино, Рактиец и Долни Липовиќ,, рече градоначалникот Илиев

Државата контуинирано води грижа за детска заштита истакна заменик министерката за труди и социјална политика Санела Шкријељ која беше во посета на градинката во Конче. Истакна дека и годинава ќе се градат детски градинки во руралните оптшини во државата

,,Во моментов инвестираме во 43 објекти  за детска заштита. За ова години обезбедени се околу 105 милиони денари а дополнително се обезбедени 15 милиони евра од Светска банка за изградба на градинки,, рече Шкријељ кој подвлече дека во Конче отворена е дисперзирана канцеларија за социјални услуги каде граѓаните место во Радовиш услугите ќе ги добиваат во матичната општина.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.