Општина Конче е пример за заеднички соживот, кажа градоначалникот Илиев – организирана Ифтарска вечера

771

Во пресрет на муслиманскиот празник Рамазан Бајрам, градоначалникот на Општина Конче – Благој Илиев заедно со Советот на општината а во соработка со здружението ,,Зија Гокалп’’ приреди Ифтарска вечера за жителите од ова општина со муслиманска вероисповед. Преку ова манифестација  организаторите како што кажаа имаат намера да се испратaт порака за хуманост и солидарност преку меѓусебно почитување, толеранција и соживот. Пред присутните им се обрати и градоначалникот Илиев кој истакна дека Конче е пример за почитување на верските различности

,,Општина Конче од секогаш  била пример за мултиетничко општество, почитување на различни култури, традиции и верувања. Да се почитуваме и во иднина и да си подадеме рака без разлика на нашите религии“ , истакна градоначалникот на Конче Илиев на Ифтарската вечера организирана во Домот на Културата

Наредната седмица завршува Рамазанскиот пост, а муслиманските верници ќе го прослават големиот празник Рамазан Бајрам во вторник на 4-ти јуни 2019 година.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.