Пристигнаа двата минибуси што Општина Конче во соработка со ЈПКД Лакавица ги набави за потребите на општината. Станува збор за возила со кои општинските власти ќе можат да го реализират проектот ,,Превоз за секое дете’’ со што значително ќе се намалат трошоците, што ова локална самоуправа ги издвојува за превоз на основците од населените места до ООУ ,, Гоце Делчев’’ во Конче. Минибусите паралелно ќе се користат и за потребите на општинската администрација.
Градоначалникот Благој Илиев ни истакна дека возилата ќе бидат во сопственост на ЈП Лакавица кое како локално јавно претпријатие во иднина ќе врши и организиран превоз на децата ученици до централното училиште во Конче. На тој начин ќе се обезедат најсоврмени услови за превоз на основците од населените места а анализите и пресметките укажале дека ќе има заштеди по тој основ доколку сами го организираат училишниот превоз.
,,Преку проектот „Превоз за секое дете“ ќе им овозможиме безбеден превоз во најдобри и најсовремени услови на сите наши деца кои секој ден патуваат од подрачните села до централното ООУ„Гоце Делчев“- Конче. Како и до сега ќе продолжиме да вложуваме во нашата иднина а тоа се децата и младите на кој мора да им ги обезбедиме најдобрите услови како во школувањети така и во спортот и во културата,, напиша градоначалникот на Конче Благој Илиев
Станува збор за фозила ,,Фиат Дукато’’ набавени од фирмата Аутомобиле од Скопје. Со заштедите што ќе се направат, од средствата за училишниот превоз, ќе бидат исплатени овие два минибуса, кои ќе останат во трајна сопственост на ЈП Лакавица. Возилата треба да бидат во функција не само за превоз на учениците туку и за потребите на Општината при организирање било какви манифестации или патувања.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
