СВР Струмица во текот на месец јуни и јули 2019 година во содејство со надлежни инспекциски служби вршеле контроли во кафулињата, летните тераси и во дискотеките во кои било забележително присуството на млади, посебно во вечерните часови. Активностите на полициските службеници биле насочени на: присуство на малолетници во угостителски објекти после 24,00 часот, точењето алкохолни пијалоци на малолетни лица и прегласната музика.
При контрола во угостителските објекти, како што соопштија од СВР Струмица, во 8 угостителски објекти констатирани се 8 прекршока заради пуштање гласна музика. Во 6 угостителски објекти биле затекнати малолетници после 24 часот додека во 3 угостителски објекти откриени се 3 кривични дела “точење алкохолни пијалоци на малолетници“
СВР Струмица, апелира до сопствениците на угостителските објекти, кафулиња, дискотеки, ноќни барови и други, да внимаваат на јачината на музиката што ја пуштаат во нивните локали или ја свират музички групи. Во спротивно, ќе се соочат со пријави и глоба која се движи од 500 до 1000 евра во денарска противвредност и плус 200 до 500 евра за одговорното лице на правното лице.
Ваквите интензивни мерки и активности на полициските службеници самостојно и во координација со надлежни инспекциски служби ќе продолжат да се реализират и во претстојниот период.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
