Општинарите од Конче одговорија на предизвикот на младите од Дедино – Го чистеа отпадот во селото Габревци

1313

Општинската администрација на Конче се вклучи во пролетното чистење на населените места од општината. Вработените од локалната самоуправа заедно со вработени од Јавното комунално претпријатие Лакавица од Конче чистеа отпад во населеното место Габревци

Според информациите собрани се околу 50 тина вреќи отпад кои се депонирани на соодветна локација. Како што кажаа од општината, вакви акции се планирани и во наредниот период и има за цел да се исчисти отпадот во населените места кој е на јавните површини, но и да се потикне месното население да се вклучи во ваквите еколошки акции

,, Ќе продолжиме и понатаму со вакви акции  и се надеваме дека ќе успееме да ги поттикнеме нашите сограѓани да ни се приклучат во истите. Од една страна ќе чистиме а од друга страна се надевам дека ќе ја подигнеме јавната свест за здрава и чиста околина за сите нас. Пораката е јасна – да не се фрла отпад било каде, бидејки ние живееме тука. Наш е изборот дали ќе живееме во ѓубре или во чиста средина. Нула толеранција за отпадот,, ни изјави градоначалникот на Конче Благој Илиев кој апелираше за поголема свест кон животната средина а веќе во четврток најави поголема еколошка акција во општина Конче за чистење на отпадот и депониите.

Последниот викенд млади момчиња од населеното место Дедино во рамките на светскиот тренд ,,Прифати го предизвикот, исчисти локално! го чистеа населеното место и собраа 20 вреќи отпад. Ги предизвикаа останатите од општината но и од државата да помислат за животната средина и да се вклучат во чистењето отпад во својата средина.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.