Онлајн состанок на тимот за проектот за намалување на последиците од катастрофи во општините Радовиш и Сандански во Бугарија

164

Во рамките на проектот „Заеднички мерки за спречување и намалување на последиците од катастрофи во општините Сандански и Радовиш“ финансиран од Европската Унија преку Интеррег ИПА Програмата за прекугранична соработка помеѓу  Бугарија и Македонија се одржа онлајн состанок на проектниот тим преку платформата ЗООМ, со цел да се запазат препораките и мерките од двете земји за спречување на ширењето на Корона вируот.

Состанокот беше организиран од страна на Центарот за развој на Југоисточниот плански регион и на истиот присуствуваа членовите на проектниот тим од двете партнерски институции од прекуграничниот регион.

Проектниот тим на состанокот дискутираше за напредокот на градежните работи за реконструкција на дел од речното корито на Сушица во општина Радовиш и градежните работи за уредување на дел од коритото на Санданска Бистрица и областите на поплава во општина Сандански, активности кои се одвиваат во рамки на проектот според усвоениот план за работа. Исто така на состанокот се разговараше и за поставување на нови цели за следните месеци од спроведувањето на проектот.

За крај Раководителот на Центарот за развој на Југоисточниот плански регион Жулиета Ѓуркова на членовите од проектниот тим им порача да останат во добро здравје со надеж дека следните состаноци во рамки на проектот ќе бидат со физичко присуство.

Проектот ќе се имплементира до 12 јули 2021 година и до крајот на проектот предвидено е да се одржат тркалезни маси за размена на практики, искуства и знаења за различните мерки за ублажување на последиците од климатските промени во заедниците на прекуграничниот регион, како и отворени работилници со цел да се зголеми свеста кај младите за последиците од климатските промени.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.