Објавени огласите за вработувања преку оперативниот план на Владата за 2019

133

Со оперативниот план за вработување 2019 на владата насловен „Шанса за сите“ предвидени се 16 мерки поделени во три групи. Директорката на Агенцијата за вработување, Билјана Јовановска најави дека од денеска стартуваат јавни огласи за седум програми и мерки за вработување од Оперативниот план за вработување.

„Заинтересираните од денеска може да аплицираат за учество во програмата самовработување, субвенционирање на плати, обука на работно место кај познат работодавач, обука за стручни квалификации според барање на работодавачите, обука за побарувани занаети, програмата практиканство и програмата за работно ангажирање – јавни работи. Овие програми и мерки ќе бидат отворени за апликација сè додека не се пополни предвидениот опфат на корисници и не се исцрпат финансиските средства предвидени за реализација“, рече Јовановска.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.