Струмичкиот состав Наковски волеј поведе со 1-0 во финалето на плејофот против Работнички од Скопје откако пред своја публика во еден неизвесен дуел со многу пресврти и надмудрувања струмичанки славеа со 3:2 (25:9, 23:25, 19:25, 25:17, 15:13).
Наковски не дозволи Работнички да направи изненадувања во Струмица иако беше блиску. Во дуел полн со долги поени и убава игра на мрежата и во поле, неизвесности и пресврти победата ја однесоа домакинките иако гостинскиот состав по третиот сет имаше 2:2 во своја полза.
„ Во натпревар полн со тензија, пресврти и чиста страст – Наковски покажа што значи да се бори за грбот на дресот. Победа извојувана со срце, дисциплина и челична волја!Кога беше најтешко – ние бевме најсилни. Кога се кршеше резултатот – нашите девојки се издигнаа. Со ладни глави, жешки срца и поддршка што одекнуваше од трибините, направивме серии токму кога најмногу требаше. Публиката беше нашиот седми играч – вашата енергија не носеше напред во секој поен“, објавија од клубот
Вториот натпревар од финалната серија се игра в четврток од 18 часот, на теренот на Работнички Скопје, во малата сала во СЦ „Борис Трајковски“ во Скопје.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
