Нов трет конкурс за попишувачи, се бараат за реоните на Струмица, Гевгелија, Ново Село и Валандово

689

Државниот завод за статистика денеска (18.03) објави трет дополнителен јавен конкурс за ангажирање на реонски попишувачи, со оглед дека во претходните два што ги објави ова институција не се пополнети потребните бројки нa лица кои ќе вршат попис од 1 ви април. Според третиот конкурс кој ќе трае само два дена, односно до 20 ти март за Југоистокот се бараат дури 156 попишувачи и тоа за реоните Струмица кој ја опфаќа и општина Валандово, за пописниот реон Гевгелија кој ја опфаќа и општина Дојран, за пописниот реон Ново Село каде спаѓа и општина Босилово но и за Валандово како посебен пописен реон.

Во пописниот регион Струмица се бараат 80 попишувачи. Во Гевгелија се барат 29 попишувачи од кој 1 треба да попишува на влашки јазик. Во Ново Село има потреба од 45 попишувачи а во Валандово 2 и тоа еден кој ќе попишува на турски и еден на српски јазик.  По првите два објавени конкурса единствено се пополнија местата во реонот на Радовиш кој ја вклучува и општина Конче и за Богданци.

Условите на третиот јавен конкурс за попишувачи може да се видат ТУКА иако остануваат како и на претходните два. Лицата да се државјани на Македонија, да имат завршено средно образование и да се невработени а како дополнителни услови се познавање со работа со компјутер и познавање на јазикот за оние места каде има потреба. Кандидатите, кои својата намера да учествуваат во Пописот 2021 година ја
изразиле на претходните два јавни конкурса од 23.02.2021 година и на 03.03.2021 не треба повторно да се пријавуваат.

Изминатиот период Државниот завод за статистика ги објави и висината на надоместоци за лицата кои ќе се ангажираат во престојниот попис.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.