Нова еко акција на младите од радовишко Калуѓерица, посадија 150 дрвца во кругот на манастирот ,,Исус Христос’’ (фото)

2201

Момците од радовишко Калуѓерица кои во декември садеа чемпреси, црн бор и багреми во и околу населеното место, денеска реализираа уште една акција за озеленување на своето село. Тие денеска посадија 150 чемпреси и црн бор во кругот на манастирото ,,Исус Христос’’ кој се гради над селото конкретно на локацијата Бутурус во Калуѓерица општина Радовиш.

Како што не информираше Мите Трајков оваа еко акција ја планирале уште минатата година со цел жителите од ова населено место но и сите добронамерници добијат ново катче за одмор и рекреација. Се одлучиле за локација на која се гради манастир кој треба да биде и хортикултурно уреден.

,, Станува збор за садници што ни ги даде Здравко Велков од Калуѓерица а имавме останато садници и од претходната акција. Денешното убаво време ни даде можност да ја реализираме целата акција во која се вклучивме десетина млади од селото. Ги засадивме и да се надеваме дека ќе се чуваат и одржуваат. Ова е наш влог за почиста и поубава средина каде што живееме и упатуваме апел да се одржуваат сите садници оти зеленилото не треба да се уништува,, ни изјави Трајков

Овие момци на почетокот на месец декември засадија 200 дрвца во паркот во Калѓерица но и на влезот во селото. Велат дека се поборници за поубаво место за живеење и сакаат да направат нешто добро за своето населено место. Тврдат дека напролет ги очекуваат резултатите од  нивната декемвриска и денешна акција.

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.