Најавен стартот на градежните работи за новата пречистителна и санација на колекторскиот систем во Дојран

435

Премиерот Димитар Ковачевски денеска беше во посета на Дојран и како што објави градоначалникот на ова општина Анго Ангов, официјално го најавил  започнувањето на градежните активности за изградба на новата и современа пречистителна станица, како и санација на долгоочекуваниот колекторскиот систем!

,, Се чувствуваме горди и задоволни што општина Дојран, заедно со финансиски средства обезбедени од Владата на Р.С.Македонија, но и со средства обезбедени од Р. Словенија, успеа да изнајде решение за изградба на оваа важна инфраструктура. Со овој зафат кој е од непроценлива важност за општината, конечно ќе го решиме долгогодишниот проблем и ќе го заштитиме нашиот бисер, Дојранското Езеро,, стои во објавата на градоначалникот Ангов

Инаку во изминатиот период Општина Дојран работеше на изнаоѓање на потребните пари за реализација на овие проекти. Како што е познато од Владата обезбеди околу 135 милиони денари или околу 2,2 милиони евра а паралелно обезбедија и средства од словенската амбасада во висина 78 милиони денари или околу 1,3 милиони евра.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.