Настојуваме на Вардарски рид да се постави видео надзор и чуварска служба, вели градоначалникот на Гевгелија Поцков

990

Граѓанската акција за чистење на локалитетот Вардарски рид потикната од здружението ,,Changemakers4all” ја поздрави и градоначалниот на општина Гевгелија Сашо Поцков, пренесе општинската веб страна. Според него ваквите акции биле за поздравување бидејки се потикнува и надградува граѓанската свест, да се сочува се што е направено со општински пари или грантови од меѓународни фондови. Според општинската веб страна тој настојува да се постави и видео надзор на овој локалитет за да не се уништуваат општествените добра.

,,Паралелно со ова, настојуваме на Вардарски рид да се постави видео надзор и да се обезбеди дневна заштита со чуварска служба. Се разбира, како превентивна мерка против оние ки кон општественото благо се однесуваат како кон нешто туѓо’’ стои во изјавата на градоначалникот на Гевгелија Сашо Поцков за општинската веб страна.

Здружението ,,Changemakers4all” од Гевгелија во неделата организираше еко акција и забава на ,,Вардарски рид’’ при што беше собрано ѓубрето а беа санирани и бојосани оштетените клупи за одмор и корпи за отпадоци. Токму ова здружение вчера на својата ФБ страна објави информација дека ден по акцијата некој предизвикал штета.

,,Ниту 12 часа не поминаа од кога си отидовме дома по еко акцијата која што беше многу успешна во секој поглед но на самото место не дочека непријатно изненадување, некое лице се потрудило да направи штета, не голема но сепак штета веројатно со цел да даде пример и на други кои што повеќе сакаат и уживаат во хаосот отколку во убавината и среденоста на нашата околина,, објави претседателката на здружението – Марина Томова

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.