Наставата на УГД годинава ќе започне онлајн, одлучи Ректорската управа

495

Наставата во престојниот непарен семестар во академската 2021/2022 година на Универзитетот „Гоце Делчев“ Штип ќе се одвива онлајн. Ваква одлука донесе Ректорската управа врз основа на анализата направена за време на изминатите семестри од кога започна спроведувањето на онлајн наставата, моменталната ситуација со пандемијата и препораките од надлежните институции.

Моменталната ситуација со пандемијата покажува зголемување на бројот на новозаразени, ширење на сој кој што е позаразен од претходните, а и бројот на млади вакцинирани е на незабележително ниво, со што не се дава надеж дека бргу би можеле да се вратиме во предавалните.

Во Одлуката исто така стои: „УГД не може со сигурност да предвиди кога повторно ќе можеме да функционираме нормално, но затоа можеме со навремено планирање и дисциплинирано следење на препораките и задолжувањата да бидеме подобро подготвени за наредниот непарен семестар 2021/22 година“

Од почетокот на пандемијата па до крајот на парен семестар 2021 година сите активности се одвиваа онлајн, преку платформата Microsoft teams,  а УГД беше издвоен и како Универзитет кој најбргу се прилагоди на потребите кои ги наметна ситуацијата.

За тоа како ќе се спроведува практичната настава, испитите, колоквиумите и другите форми на проверка, дипломските, магистерските и докторските трудови, прочитајте ОВДЕ

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.